Friday, May 21, 2010

புவி இயக்கம்


இரு பெரும்
மலைத் துண்டுகளுக்கு
இடைப்பட்ட பிளவில்
பயணிக்கிறது
செங்கொன்றைப் பூ

தடித்த வேர்களிடமோ
தழை விரித்துப்
படர்ந்திருக்கும்
கிளைகளிடமோ
சிக்காது
நிலம் தொடும்
துல்லிய கணத்தில்
மலைகள்
நகரத் துவங்கும்
சமவெளிகள் சிதையும்
பள்ளத்தாக்குகள்
விழித்துக் கொள்ளும்

நெஞ்சு பதபதைக்க
பார்த்துக் கொண்டிருக்கும்
கடவுள்
மீண்டுமொரு சிகரெட்டைப்
பற்ற வைத்துக் கொள்கிறார்.

15 comments:

ராம்ஜி_யாஹூ said...

அருமை, கடவுளும் சிகரெட் புடிக்க, இணையம் பாவிக்க, டிவிட் செய்ய பழகி கொண்டு விட்டார் போல.

anujanya said...

இயற்கை முதல் இருத்தலியம் வரை, bi-polar world order முதல் அடர் காமம் வரை எதிலும், எதுவும் பொருந்தும் அடர்த்தியான கவிதை. அக்மார்க் அய்ஸ் கவிதையும் கூட. 'அந்தர வெளிகளில்' அலசப்பட வேண்டியதும் கூட :). சென்ஷி??

//
எங்கோ ஒரு இடத்தில்
நிலம் தகர்ந்து
கடல் கொந்தளித்தது
ஒரு பூ கீழே தவழ்ந்தது//

என்று முடியும் ஆத்மாநாமும் நினைவில் வந்தார்.


அனுஜன்யா

மோனி said...

சரிங்க.. ரைட்டு :-`(

மோனி said...

..//மீண்டுமொரு சிகரெட்டைப்
பற்ற வைத்துக் கொள்கிறார்//..

ஐ. ஜாலி..

VELU.G said...

இருத்தலியம் அருமை

பொது இடத்தில் சிகரெட் பிடிக்க கூடாது சொல்லிவிட்டீர்களா

நேசமித்ரன் said...

//சமவெளிகள் சிதையும்
பள்ளத்தாக்குகள்
விழித்துக் கொள்ளும்//

கண்ணி அவிழும் உணர்வு

அனு சொன்னது போல கவிதையின் பன்முகம் கொஞ்சம் கொஞ்சமாக விரிகிறது

பனித்துளி சங்கர் said...

மிகவும் புதுமையான சிந்தனை அருமை . பகிர்வுக்கு நன்றி !

வால்பையன் said...

பத்தவைக்கும் போது கையில இருக்குற பீர் பாட்டில் கீழே விழுந்துராதா!?

Karthikeyan G said...

கடவுள் அவர் தோன்றும் கவிதைகளில் எல்லாவற்றிலும் சிகரெட் பற்றவைத்து கொள்கிறார்..
:-)

Madumitha said...

அடப் பாவிங்களா கடவுளையும்
கெடுத்துட்டீங்களா?

ny said...

அழகாய் அவிழ்கிறது பலகோணங்கள்!!

யாழினி said...

எங்கோ ஒரு இடத்தில்
நிலம் தகர்ந்து
கடல் கொந்தளித்தது
ஒரு பூ கீழே தவழ்ந்தது//


படிச்சதும்
ஒரு நிமிஷம் கழிச்சி..
அதில இருந்து மீண்டேன்
நல்லா இருக்கு.

சந்தோஷம்.

யாழினி said...

எங்கோ ஒரு இடத்தில்
நிலம் தகர்ந்து
கடல் கொந்தளித்தது
ஒரு பூ கீழே தவழ்ந்தது//


படிச்சதும்
ஒரு நிமிஷம் கழிச்சி..
அதில இருந்து மீண்டேன்
நல்லா இருக்கு.

சந்தோஷம்.

manjoorraja said...

ஒரு நல்ல கவிதை படித்த திருப்தி.

வாழ்த்துகள்.

www.thalaivan.com said...

வணக்கம்
நண்பர்களே

உங்கள் திறமைகளை உலகுக்கு அறியச் செய்யும் ஒரு அரிய தளமாக எம் தலைவன் தளம் உங்களுக்கு அமையும்.

உங்கள் தளத்தில் நீங்கள் பிரசுரிக்கும் சிறந்த ஆக்கங்களை எமது தளத்தில் இடுகை செய்வதன் மூலம் உங்கள் ஆக்கங்களை அதிகமான பார்வையாளர்கள் பார்ப்பதற்கு வாய்ப்பளிப்பதுடன் உங்கள் தளத்திற்கு அதிக வருகையாளர்களையும் பெற்றுத் தரும்.
நன்றி
தலைவன் குழுமம்

www.thalaivan.com

Featured Post

கோவேறு கழுதைகள்

இமையத்தின் கோவேறு கழுதைகள் நாவலை   நேற்றும் இன்றுமாக வாசித்து முடித்தேன். இருபத்தெட்டு வருடங்களுக்கு முன்பு எழுதப்பட்ட புதினம் இ ப்போது வாசி...